Wednesday 11 June 2014

"लीड" च्या यादीत भारत करतोय लीड ….

‘लीडरशिप इन एनर्जी अँड एन्व्हायर्न्मेंटल डिझाइन’च्या (लीड) यादीत अमेरिकेबाहेरील देशांत भारताचा तिसरा क्रमांक असल्याचे जाहीर झाले आहे. अमेरिकेतील ग्रीन बिल्डिंग कौन्सिलच्या अहवालामध्ये हे स्पष्ट करण्यात आले असून, त्यामध्ये पहिला क्रमांक कॅनडाचा, तर दुसरा क्रमांक चीनचा आहे. 

लीड म्हणजे नेमक काय?? लीड हे प्रकरण नेमके काय आहे, असा प्रश्न सहज मनात आला असेल.… जागतिक तापमानवाढ, हवामानबदल आदींच्या माध्यमातून जाणवू लागले आहेत. वाढत्या तापमानाने ध्रुवांवरील बर्फ वितळू लागल्यामुळे समुद्राची पाणीपातळी वाढू लागली आहे. ऋतूंमध्ये होणारे बदल तर आपल्याला बऱ्यापैकी अनुभवायला मिळत आहेत. या पार्श्वभूमीवर, पर्यावरणसुसंगत ‘ग्रीन बिल्डिंग’ अर्थात ‘हरित इमारती’ उभारण्याला प्रोत्साहन देण्यासाठी ‘लीड’ची संकल्पना अमेरिकेतील ग्रीन बिल्डिंग कौन्सिलने १९९४मध्ये विकसित केली. हरित इमारतींचे डिझाइन, आराखडा, त्यांचा मेन्टेनन्स आणि निगडित अन्य बाबींच्या दर्जाचे निकष ठरवणारी यंत्रणा (रेटिंग सिस्टीम) म्हणजे ‘लीड’…

इमारती उभारताना ऊर्जा, पाणी आदी उपलब्ध नैसर्गिक साधनसंपत्तीचा कार्यक्षम पद्धतीने वापर केला जावा आणि नंतर इमारतीचा वापर करतानाही वापरकर्ते पर्यावरणदृष्ट्या सजग असावेत, हा उद्देश ठेवून ‘लीड’ची निर्मिती करण्यात आली आहे. ‘लीड’अंतर्गत तब्बल वीस हजार निकषांचा समावेश असून, त्यामध्ये वेळोवेळी सुधारणा केल्या जातात. निर्मितीच्या वेळी केवळ नव्या बांधकामासाठीचा एक दर्जा असे स्वरूप असलेली ‘लीड’ ही आता विकास आणि बांधकाम प्रक्रियेच्या सर्व बाजूंचा समावेश असलेली आणि एकमेकांशी निगडित असलेल्या निकषांची सर्वसमावेशक यंत्रणा बनली आहे.…

कॅनडात १७.७४ दशलक्ष जीएसएम जागेला ‘लीड’ सर्टिफिकेशन मिळाल्याने तो देश पहिल्या क्रमांकावर आहे. चीन आणि भारत या वेगाने वाढणाऱ्या अर्थव्यवस्था असून, त्यामध्ये पर्यावरणपूरक बांधकाम करण्याचे प्रमाणही वाढीला लागले आहे. या दोन देशांना अनुक्रमे १४.३० दशलक्ष जीएसएम आणि ११.६४ जीएसएम जागेसह दुसरा आणि तिसरा क्रमांक मिळाला आहे. दक्षिण कोरियाला चौथा, तर जर्मनी आणि फिनलंडला अनुक्रमे सहावा आणि दहावा क्रमांक मिळाला आहे.…

‘सारे जग हवामानबदलाच्या आव्हानाला तोंड देत असल्याने जगभरातील समाज त्या दृष्टीने योग्य ती पावले उचलण्याला आणि हरित इमारती बांधण्याला प्राधान्य देत असल्याचे या यादीतील बाकीच्या देशांच्या वाढत्या समावेशावरून स्पष्ट होत आहे,’ अशी भावना अमेरिकेच्या ग्रीन बिल्डिंग कौन्सिलचे संस्थापक अध्यक्ष रिक फेड्रिझी यांनी व्यक्त केली आहे. याविषयी अधिक माहिती हवी असेल, तर http://in.usgbc.org/leed
 या वेबसाइटला जरूर भेट द्या….

2 comments:

  1. AC and other cooling system are very dangerous as these are responsible for destruction of Ozone Layer. We are to avoid these systems. Is it implemented by civilians ?

    ReplyDelete
    Replies
    1. your question is correct sir.. it is not followed by civilians... we make them aware about the same issue..

      Delete