काही दिवसांपूर्वी एक बातमी वाचली आणि मन सुन्न झाले… मुंबई मध्ये एका स्त्रीवर नोकरी देण्याच्या आमिषाने बलात्कार… आजकाल पेपर मध्ये, टीव्ही वर बातम्यांमध्ये जिकडे तिकडे अशाच बातम्या येत आहेत… कधी अल्पवयीन मुलीवर बलात्कार, कधी तरुणीवर तर कधी विवाहितेवर… कधी मित्राकडून, कधी नातेवाईकांकडून, तर कधी कधी वडील आणि भाऊ सुद्धा ह्याला अपवाद नसतात… आज परिस्थिती अशी आहे कि कुठलीही स्त्री, कुठल्याही वयोगटातली असली तरी ती आज मुंबई मध्ये सुरक्षित नाही आणि ह्याचाच सर्वात जास्त खेद वाटतो आणि राग सुद्धा येतो…
आपला समाज कुठे चाललाय… इतका बदल कसा काय होतो आहे काहीच कळत नाही… आपल्या महाराष्ट्राचे दैवत छत्रपती शिवाजी महाराज, ज्यांचा आदर्श आपण बाळगतो, त्यांनी आपल्या आयुष्यात कुठल्याही स्त्री चा अपमान नाही केला… महाराजांच्या स्वराज्यात कोणत्याही स्त्री चा अपमान जर कोणी केला तर त्याला कडक शासन होत असे, त्यामुळेच लोक घाबरून असायचे… पण आज मात्र नाही शासनाचा धाक उरला आहे नाही कुठल्या शिक्षेचा… दिल्ली मधील निर्भया केस नंतर बलात्कारी प्रवृत्तींच्या लोकांना कडक शासन होत आहे पण त्याला लागणारा वेळ हा खूप अहे… अरुणा शानभाग सारखी केस बघितली कि हेच लक्षात येत कि आजही त्या स्त्री ला योग्य तो न्याय मिळाला नाही आहे… कायद्याचा धाक राहिलेला नसल्यामुळे ह्या घटना करणार्यांना अजूनच सूट मिळते आणि ते हे करायला धजावतात… कारण आपल्या राज्यात भाषणं जास्त आणि कृती कमी असते… जिथे कृती जास्त असली पाहिजे…
ह्या गोष्टी थांबवायच्या असतील तर कायद्याची कठोर अंमलबजावणी त्या त्या लोकांवर झाली पाहिजे आणि अस विकृत काम करणाऱ्या लोकांना एक जरब बसली पाहिजे… पण हे करताना आपण आपली मानसिकताही बदलायला हवी… आणि ज्याची सुरवात शालेय शिक्षणापासून झाली पाहिजे… शाळेत प्रत्येक मुलीला आणि मुलाला स्वसंरक्षणाचे बेसिक धडे दिले पाहिजेत जेणेकरून मुली-स्त्रिया आपला संरक्षण स्वतः करू शकतील… मानसिकता बदलण्यामध्ये इलेक्ट्रोनिक मिडिया असेल किंवा अजून काही social networking ह्या सर्वांचा योग्य तो वापर केला पाहिजे…
हे काही रॉकेट सायन्स नाही… हे सगळ बदलू शकत… आपण हे बदलू शकतो, तुम्ही- मी आपण सर्व मिळून हे बदलू शकतो … फक्त गरज असते ती एका चांगल्या सुरवातीची आणि इच्छा शक्तीची…
शाळेत प्रत्येक मुलीला आणि मुलाला स्वसंरक्षणाचे बेसिक धडे दिले पाहिजेत
ReplyDeleteyou r right sir.. basic education of self defense is needed to everyone... which should be started from school level..
Delete